И чистиот воздух стана туристичка атракција...
Откако голем дел од Македонија беше покриен со магла со денови и со загаден воздух во поголемите градови Крушево повторно го актуелизира својот туристички потенцијал кој се вика воздух 😁
Како највисок град на Балканот, поставен на падините на Бушева планина Крушево отсекогаш било место за релаксација благодарение на чистиот и свеж воздух, пријатната клима и пределите во околните шуми за прошетка. Голем број на туристи доаѓале и доаѓаат да се одморат од секојдневниот живот со уживање во природа која делува недопрено и чисто.
И денес, и покрај големиот број на содржини, можности и настани туристи го посетуваат Крушево заради чистиот воздух. Ова е особено впечатливо во зимскиот период кога, за жал, други градови се загадени, а во Крушево пука сонце.
Така што, уште еднаш чистиот воздух е наша адут. Убавото време е наш адут. Природата, шумите, планината е наш адут. Добредојдовте во Крушево 😊
Comments