Не запирајте со фотографирање! Нашите и вашите фотографии се важни. Така ја разубавуваме нашата земја, ги промовираме туристичките центри, ги чуваме природните и културни богатства.
Фотографирањето, објавувањето на социјални мрежи, споделувањето на нашите прошетки и оставањето белег (преку фотографија) на местата кoи ги посетуваме значат многу за тоа како еден туристичи центар се развива.
Во секојдневниот живот фотографиите не се сфаќаат премногу сериозно од аспект на нивниот удел во промоцијата. И, тоа е со право. Сите ние тоа го правиме пред се' за себе, а потоа да придонесеме кон промоција на одредено место. Но, всушност, она што Krusevo Advisor го прави за Крушево и сите оние кои фотографираат за другите туристички центри имаат голем удел во тоа како една дестинација се развива.
Секоја фотографија што ќе ја видите многу помaга за да се прошири убавината на една туристички понуда. Промоцијата од уста на уста, а во поновo време од фотографија на фотографија, е еден моќен начин кој многу им помага на сите кои работат во туризмот.
Ние нема да бидеме скромни и ќе кажеме дека сме придонеле и ќе придонесуваме во промоција на Крушево, работата на угостителите и генерално понудата на градот. И ние имаме удел во зголемениот број на туристи.
Да знаете! Секој од вас кој е како нас - аматер фотограф - без оглед дали има профил на Инста или страница на ФБ вашата фотографија вреди. Она што го правите вреди и придонесува. Тоа што ни' испраќате фотографии нас прави добро. Правете го тоа и за вашиот град. Правете го и за Крушево 😊
Среќна Нова година ❗
Comments