„Тајно моја“, „Среќна ли си ти“, „Цреша“, „Игри без граници“... во изведба на Каролина Гочева, бендот на Тоше, Бојан Маровиќ, Јелена Томашевиќ, Бени Шаќири, Дани Димитровска... сите заедно пееја и пеевме за Тоше.
15 години од последниот концерт на Тоше. Тој 5-ти октомври беше последната дружба со нашиот ангел.
Вчера, иницијативата на негови поддржувачи, обожаватели, сограѓани и пријатели се оствари. Тоше доби свој концерт во Крушево, а настапуваа неговите колеги, помладите кои имаа прилика да учат од него и негови пријатели.
Публиката, пак, како со душа да чекаше еден ваков настан. Гостите пееја, создаваа ѕвездено небо со светлата од своите телефони, се присетуваа на неговите добри дела. Синоќешниот настан покажа дека никогаш нема да го заборавиме Тоше.
На 5-ти октомври 2022 година се исполни желбата на Тоше да има свој концерт во својот роден град. На 5-ти октомври песните на Тоше одекнуваа во херојско Крушево. На 5-ти октомври ја живеевме добрината, хуманоста и музиката на нашиот Тоше.
Тоше останува во нашите срца. За сите негови фанови тој има само датум на раѓање, а овие настани треба да продолжат затоа што само така и помладите ќе дознаат колкава големина од човек беше тој.
Слава му!
Bình luận